Ekainaren 21ean ikastolako azken eguna ospatu genuen, emozioz betea. Far algarak eta negarrak ez ziren falta izan. Oso gustora egon gara zuekin urte guzti hauetan eta beti izango zarete gure talde kuttunak. Asko ikasi dugu zuekin . Mantendu betirako zuen nortasun eta sena. Muxu handi bat eta betirarte!! 
Ikastolako gure azken irteera egin dugu. Oso gustora egon gara, eta hainbat abentura izan ditugu, bidaiz ez ahatzeteko. Erne! Atrakzio batean eguzkitako betaurrekoak erortzen bazaizkizue, ez gelditu hartzeko eta ez ahaztu eguzkitako krema ematen.
Nahiz eta denboraz nahiko larri ibili garen, azkenean denbora eman zigun maiatzaren 31n gurasoei guk sortutako antzerkiak erakusteko.
Lan handia egin eta gero, gustu handia ematen du ikustea zeinen ongi atera zitzaigun dena.
Egia da lehen aldia izan dela antzerkiak egiten genituela, oso urduri geunden, eta kontutan hartuta eszenatokirako prestatu genituen gauzen kopurua eta tamaina, eta horiek gordetzeko genuen leku txikia, oso ongi atera zen dena. Hurrengorako teloiarekin kontu handiagoa izango dugu… 😉
Artista ikaragarriak zarete denak, ZORIONAK!!!
David Vivanco Eskoziatik etorri zen Eskoziako dantza eta abestiak erakustera. Eskoziako janzkera, instrumentu eta kultura gurera ekarri zizkigun, eta guk ere gure kulturaren apur bat erakutsi genion dantza eta bertsoen bidez. Oso ongi pasa genuen eta far asko egin genuen!
Aurten Angelekin, Robotika egin dugu. Asko ikasteaz gain, oso ongi pasa dugu. Robotak mugiarazten ikasi dugu, eta gelako asko Ingenieroak izango garela esan zigun. Eskerrik asko Angel, oso ongi pasa dugu zurekin eta zure Robotekin!
Izaban hainbat bideo egin genituen. Hementxe uzten dizkizuegu batzuen loturak, baino gehiago ere badaude!!
https://www.youtube.com/watch?v=Zjp8RkV-Ff8″>Lagunekin eskiatzen</a>
Urtarrilaren 31n Izabara joan ginen autobusez. Bertan bost egun pasa ditugu eta izugarri ongi pasa dugu. Egunero goizean eskiatzera joaten ginen. Pentsatzen genuen ez genuela elurrik izango, baina egunero eskiatu ahal izan dugu. Gainera azken hiru egunetan eguraldi ona izan genuen, eguzkitsua!
Eskiatzeaz aparte gauza asko egin ditugu ere: Natur Zentrua ikusi, zinemara joan, igerilekura joan, jokuak egin….
Izabako jendea izugarri ongi portatu da gurekin. Eskerrak eman nahi dizkiegu Hostal Lola, Hotel Txiki eta Txabalkuako langileei, hain ongi zaintzeagatik eta janari izugarri ona prestatzeagatik!
Aurten, azken aldiz ospatu dugu Olentzero ikastolan. 6.mailan gaudenez, Olentzero eraman genuen. Oso ongi pasa genuen, eta uste genuena baino gutxiago nekatu ginen. Oso pozik gaude Olentzero ez zelako erori !! 
Gero arte Olentzero…. agian datorren urtean ere elkartuko gara!!
Aurreko ostegunean, harategitik ekarrita, arkumearen bihotza eta birikak ikusi genituen zuzenean. Arnas aparatuaren atalak errepasatu genituen eta birikak barrutik ikusi eta ukitu genituen, belakiak ziruditen!
Bihotza ere barrutik ireki, eta aurikulak, bentrikulak, arteriak eta zainak aztertu genituen zuzenean. Konturatu ginen, gure liburuan agertzen ziren bihotzaren irudiek ez dutela bihotza errealitatean den bezalakoa islatzen!
Eskerrak eman nahi dizkiogu Ana Bakaikoari, biopsia nola egin erakutsi zigulako!
(Bideoan akats bat dago, ia topatzen duzuen!)
2015-2016 ikasturte honetan 6.mailan jarduera eta lan asko eginen ditugu, horietako batzuk blog honetan jarriko ditugu, guztiok ikusteko!
